Symbola quae sequitur anno 1938\u00b0 in commentariis Societatis linguae latinae usui internationali adaptandae, qui Lygia<\/i> appellabantur, a Villelmo Henrico Denham Rouse latine exarata apparuit. Villelmus ille (1863\u00b0-1950\u00b0) linguae latinae graecaeque illustris magister fuit, qui Cantabrigiae viam directam ad linguas docendas, quae dicitur, diu ac strenue excoluit.<\/span> VIA DIRECTA<\/b><\/span><\/p>\n O praeclaram beate vivendi et apertam et simplicem et <\/i>directam viam<\/i>!<\/i> (Cicero, De finibus<\/i>, I 57).<\/span><\/p>\n Si rogas, quonam modo latine sit discendum, praesto est responsum: disce utendo! Haec est via directa, qua et laboris et temporis fit compendium; nihil interest inter rem et inter verbum, nulla deliberatio \u201cQuidnam significat hoc verbum?\u201d aut \u201cQuid est nomen huius rei latine?\u201d Nam solvitur ambulando, videndo, tangendo. Deinde usque ab initio mutua est connexio inter rem aut actionem et sonitum verborum: ubi rem vides, subit sua sponte nomen, actio revocat verbum. Et fato deorum benigno, facilius est nobis linguae latinae doctoribus initium docendi quam ullarum aliarum linguarum doctoribus: nam quadruplex actio est vel catena actionum, simplex scilicet catena actionum naturalium, quae quasi histriones in scaenam ducit discipulos, et eodem tempore exempla dat quattuor coniugationum grammaticalium: surgo, ambulo, revenio, sedeo.<\/span>
\nPlura scire volentibus de via directa hunc<\/a> et hunc<\/a> eiusdem Rouse librum suademus.<\/span>
\nSymbola quam hic proponimus in ipsis commentariis hic<\/a>\u00a0legi potest.
\nSi denique Villelmi Rouse docentis vocem audire velis, hic<\/a> preme.
\n<\/span><\/p>\n
\n![\"\"](\"https:\/\/scholalatina.it\/wp-content\/uploads\/2020\/09\/Via-directa_-300x225.jpg\")
A: \u201cSurgo\u201d (et surgit).<\/span>
\nCeteri: \u201cSurgis\u201d (digito monstrantes puerum A et eum intuentes).<\/span>
\n\u201cSurgit\u201d (pollice monstrantes A, dum alius alium intuetur).<\/span>
\nB, C: \u201cSurgimus\u201d (et surgunt).<\/span>
\nCeteri: \u201cSurgitis\u201d (ut antea).<\/span>
\n\u201cSurgunt\u201d (ut antea).<\/span>
\nSic fallimus docentes! Nam dum pueri haec reiterant, meditantur praesens tempus indicativi activi quattuor coniugationum, ubi aliter linguae latinae omnino sunt ignari! Postea hoc est initium uniuscuiusque recitationis, et mox has formulas tam bene cognoverunt quam linguam suam nativam. Quandocunque nova verba discunt, eodem more recitant, cum gestu si fieri potest, et nova verba quasi aptant formae vel compagi iam notae.<\/span>
\nSi nomen rei doces, dic: \u201cHaec est sella\u201d, tangens sellam, quod universi pueri voce repetunt, canentes: \u201cIlla est sella\u201d, digito indicantes sellam. Eodem modo, ubi picturam monstras, aut ipse facis in tabula nigra: \u201cIlla est arbor\u201d et pueri canunt: \u201cIlla est arbor\u201d, \u201cIlle est corvus\u201d \u2013 \u201cIlle est corvus\u201d.<\/span>
\nMox necesse est docere casus obliquos, primum accusativum: \u201cIlle est corvus; video corvum\u201d. \u201cTeneo baculum; do tibi baculum\u201d. \u201cDas mihi baculum\u201d, mox discent pueri respondere. Et dum doces, semper interponis explicationes, exclamationes, quae ipsae se explicant: \u201cBene facis! O bonum puerum! Bene dixisti! O stultum! O fons malorum, i in malam rem! I dierecte!\u201d
\nPostea fabulam dicis, quam primum viva voce canunt, deinde scribunt in libellis et novae lectiones semper in tabula nigra scribendae sunt ab aliquo. Ita fit, ut discant audiendo, eloquendo, agendo, movendo se, scribendo, postremo videndo et omnes sensus vi sua coniuncta quasi incalcitrant animo.
\nSic fit compendium temporis, compendium laboris, fit intentio animi, fit facilis memoria. Semper aliquid faciunt corporibus, se movent, nunquam torpent, non dormiunt nec fieri potest, quin gaudia percipiant multa, nam rident, commoventur, loquuntur, et est re vera ludus litterarius.
\nLonga est oratio, si plura tempto describere, sed stant vobis scripta Anglice, et si voltis, grammatici vestri doctissimi Polonice vertent.
\nMihi autem Viam Directam indicanti nolite precor respondere: \u201cI dierecte!\u201d
\nValete!<\/span><\/p>\n<\/div>